Pjesnici kao svetionici modernog doba

Pjesnici su svetionici modernog doba

Međunarodno udruženje književnih stvaralaca i umjetnika "Nekazano"  po šesti put okupilo je pjesnike i umjetničke stvaraoce iz regiona u jedinstvenoj misiji promocije ljubavne poezije, kulturne i turističke baštine Bara kroz VI Međunarodni festival ljubavne poezije "Pjesnik - Svetionik".

Tim povodomu Bar je pristiglo oko osamdeset pjesnika, književnik, književnih kritičara i teoretičara književnosti ako dodamo tome ii Kulturni centar "Hadži Ruvim" iz Lajkovca koji je sa svojim direktorom Milutinom Rankovićem doveo svoj folklorni ansambl da se predstave Baru i pjesnicima festivala. U svojoj misiji promocije turističke i kulturne ponude grada Bara udruženej Nekazano je svoje goste upoznalo sa Muzejom grada Bara, Sabornim Hramom Sv. Jovana Vladimira, Starom maslinom i Starim gradom Barom, kao i sa Starim Barom. Tako su ljepote i kulturnu baštinu upoznali Dr Kristina Nikolovska potpredsjednica Udruženja književnka Majedonije, Doc dr Rade Vučićević teoretičar književnosti i književni kritičar Miroslav Mišo Bakrač predsjednik Udruženja pisaca Čegar iz Niša, Mirjana Svetozarević književnik, UP Čegar iz Niša mr Tatjana Milenković, PR Niškog kulturnog centra i osnivač "Ženske mreže Srbije", Vojin Trivunović i Dinko Osmančević književnici iz Banja Luke, Silvana Jovanović pjesnikinja iz Velike Kladuše, Srđan Bajić pjesnik iz Kanade,  Prof. Dr Xhemil Bytyci iz Prištine, Danijela Milanova, direktor biblioteke iz Male Crnje, mr Dragan Radosavljević književnik , Zorka Tošić književnica iz Loznice , Nevena Kokanović  književnica iz Loznice, Vanja Parača pjesnikinja iz Beograda / Cetinja/, Kristina Bjelić pjesnikinja iz Mojkovca, Sadije Aliti pjesnikinja iz Tetova i drugi

Po tradiciji otvaranje festivala upriličeno je kod crvenog svetionika na sekundarrnom lukobranu, iza Marine. U zlatnom barskom sutonu pjesnici su posle zdravice Milutina Rankovića Baru, festivalu i pjesnicima i pozdravne riječi Labuda N. Lončara, predsjednika udruženja Nekazano govorili svoju poeziju a posebno lijepu sliku dala su djeca iz Folklornog ansambla Kulturnog centra Hadži Ruvim iz Lajkovca sa svojom koreografkinjom Jelenom Popović - Stevanović.

Mnogi pjesnici su pri svom nastupu izjavili da su bili na mnogim festivalima u svijetu ali je ovaj festival jedinstven i rado će ponovo doći da govore svoju poeziju, posebnoo pored svetionika, naravno ako ih domaćini pozovu da ponovo budu gosti Nekazanog i Bara.

Nakon toga u amfiteatru JU Srednja stručna škola Bar i Fakulteta za poslovnu ekonomiju i pravo Bar održana je promocija knjiga tri autorke i to: "Moje drugo ja" Enese Sukić iz Bara, "(Bes)Kraj zalutalog bluza" Vanje Parače koja kaže da ej Beogradska Cetinjanka i "Prsti" Kristine Bjelić iz Mojkovca. Atmosfera u amfitetaru je bila fantastična. Moderator Večeri bio je Labud N. Lončar, predsjednik udruženja Nekazano koji se na početku večeri zahvalio na pomoći JU Srednja stručna škola Bar i Fakulteta za poslovnu ekonomiju i pravo Bar, Mesoprometu "Franca", kopirnici S&S, Radio Baru, portalima Jedro, Bar Info,Feral,Barski portal i Pokazivač.

 Mlade autorke Sukić, Parača i Bjelićka odu[šsu publiku govoreći i čitajući svoju poeziju i  odlomke iz drame. Pjesnikinje Nevena Kokanović i Zorka Tošić pomogle su svojim mlađim koleginicama čitajući po nekoliko njihovih pjesama. Goran Radičević, potpredsjednik udruženaj Nekazano govoreći o Sukićki kazo je da ga je iznenadila njena stručnost i umijeće a na prvi mah je čak pomislio da to nije tako, međutim iščitavajući knjigu oduševio se zrelošću razmišljanaj imajući u vidu činjenicu da je ona knjigu napisala sa nepunih osamnaest godina.

Vladimir Cerović, pjesnik i glumac u odsutnosti svog prijatelja glumca Dragiše Simovića koji je napisao prikaz knjige Enese Sukić pročitao je isti. Profesorica Mirjana Savićević govorila je o Enesi Sukić i njenoj sklonosti umjetnosti a u tim tvrdnjama podržala ju je i profesorica Valentina Vanja Drobnjak koja je i preporučila tadašnju učenicu Sukić i njenu knjigu Labudu N. Lončaru, izdavaču.

Ispred udruženja Nekazano, pjesnik Mladen Babović, inače Predsjednik skupštine pjesnika Nekazano uručio je priznanja “Pjesnik – Svetionik” predstavnicima JU Srednja stručna škola Bar i Fakulteta za poslovnu ekonomiju i pravo Bar. Ispred Fakulteta za poslovnu ekonomiju i pravo Bar udruženju i publici se zahvalila mr Ivana Kovač.

Na kraju ove jedinstvene promocije tri knjige koja se održala u sklopu VI Međunarodnog  festivala ljubavne poezije pokretač i inicijator  ovog festivala Labud N. Lončar se zahvalio autorima i gostima najavljujući predstojeće aktivnosti a to su promocija književnog stvaralčaštva Vojina Trivunovića, člana Nekazano iz Banja Luke, kao i promociju zajedničke zbirke (zbornika) ljubavne poezije 110 autora a koji će se održati na istom mjestu a trećeg dana festivala predstaviće se u Zagrađu “Ženska mreža Srbije” na čelu sa mr Tatjanom Milenković iz Niša ka oi Folklorni ansambl Kulturnog centra Hadži Ruvim iz Lajkovca i mnogi drugi pjesnici.